تابعنا على الفايسبوك

قديم 01-27-2009, 07:12 AM  
Lightbulb صارعة المنحرفين (ادخل و صدقني مش هتندم) ادخل
#1
 
الصورة الرمزية MMS-AMMMK
MMS-AMMMK
(من كبار الشخصيات)
تاريخ التسجيل: Jan 2006
الدولة: القاهرة-الوطن العربى
المشاركات: 20,280
معدل تقييم المستوى: 29
MMS-AMMMK will become famous soon enough

*الحلقة تبدأ بالمقدم الهمام المنفوخ(مصارع سابق) وهو يبتسم بالنضارة اياها بتاعة كل مرة وخلفه صور له ايام شبابه الغض وهو يجندل ويشندل ابطال العالم فى المصارعة (صوره وهوا بيضرب بس مش وهوا بيضرب) وقدامه طبعا الحزام (منفوخ زيه برضه).
*يبتسم الكابتن منفوخ قائلا (وهوا بيعدل النضارة الروشه):
- مساء الخير ..واهلا بيكم فى برنامجكم المفضل (مصارعة المنحرفين)..النهارده معانا حلقة طحن.كلها ضرب وانحراف ودم وكهربا وجنازير.انا جبت لكم شريط اخر مباراة ل(كين) مع اخوه (الحانوتى) لما اتعاركوا مع بعض لما ابو (كين) طلق ام (الحانوتى) وطبعا (الحانوتى) ماعجبهوش رمية امه فى الشارع فقرر يرد شرف امه على الحلبه ويضرب (كين) بعد ما قلع القناع زى (تينا) بتاعة (جادش).....!!!!
*يقاطعه صوت التليفون فيرد كابتن منفوخ:
- ومعايا احمد من القاهرة...ازيك يا ابو حميد...عامل ايه؟؟
-المشاهد:ازيك انت يل كابتن منفوخ..والنبى يا كابتن انا عاوز اسال سوال محيرنى: هو صحيح (ريتا) فرقعت (ستراب الاتش) وماشيه اليوميين دول مع ابن المشمومةاللى اسمه (الروك)؟؟ وصحيح ان (استراب الاتش) ظبطهم نايمين فوق بعض ..وللا ايه؟؟ والنبى يا كابتن تجاوب على سؤالى احسن انا مش عارف انام الليل بسبب الموضوع ده.
- ابتن منفوخ: بص يا بو حميد..هو انا لما كلمت (الروك) فى الموضوع ده قاللى ان الموضوع اتفهم غلط.لان (ستراب الاتش) لما دخل عليهم ولقاهم نايمين فوق بعض ماكنوش بيعملوا حاجة وحشه لا سمح الله. ده كان (الروك) ساعتها عامل حركة (دى.دى.تى) من ورا ( لريتا ) وعلى خوانه والله ياجماعة.. لكن (استراب الاتش) فهم الموضوع غلط وافتكر ان هما استغفرالله العظيم ولما (ريتا) عرفت ان هوا بيشك فيها..كرامتها نقحت عليها وقررت تسيبه لأنها ما بتحبش حد يخونها او يشك فى سلوكها وعفتها لا سمح الله…وبعدين يا ابو حميد ديه اعراض ناس واحنا ما بنحبش نجيب فى سيرة الناس وهما مش موجودين..عيب عليك يا اخى دول ولايا برده وربنا امر بالستر….
- شكرا يا كابتن.
- مع السلامة يا بو حميد .. ونرجع تانى للماتش اللى معانا بتاع (كين) و(الحانوتى) ونقول ان…..
- يقاطعه صوت التليفون فيرد:
- ومعانا الحاجة (بخاطرها) من العباسية..ازيك يا حاجة ؟؟؟؟؟
- ازيك يا كابتن منفوخ .. والنبى احنا بنحبك قوى قوى يا كابتن وبنحب نشوفك منور الشاشة كده على طول وبنحب اقوى الافلام الهندى الى بتعرضها لنا فى رنامجك ده..
- ربنا يخليكى لينا يا حاجة.
- معايا ابن بنت بنتى اسمه (شمشون) وهوا بيحبك اوى يا كابتن وعايز يكلمك.
- (شمشون) يأخذ دوره:
- والنبى يا كابتن انا عاوز اشوف الماتش بتاع (البيج شوز) لما ضرب (كيرا انجل) بالكرسى وكهربه وفتح له قرن امه وسيح دم الى جابوه على الحلبه…اصلى متغاظ اوى من (كيرت انجل) ده الى مستصيع اوى وشايف نفسه على الحلبه.
- عينيه ليك يا بو حميد.
- اسمى (شمشون) يا كابتن وفى كى جى وان.
- مع السلامة يا بو حميد… ونرجع تانى للماتش بتاع (كين) واخوه……
-يقاطعه صوت التليفون فيرد:
- ومعايا الحاج (درديرى ابو باتيستا) من الصعيد الجوانى..ازيك يا بو حميد؟؟؟
- والنبى يا استاذ (ملووح) كنت علوز اسالك سوال ربنا ما يوقعك فى ضيقة يا خال.. الواد (هوجان) ولد اختى البعيدة الهى مايشوف يوم عدل فى حياته السودة قرالى فى الجرنال ان (باتيستا) طلع اصلا من الصعيد وان اصل ابوه من عيله(العجاينة) الى حدانا فى البلد واحنا كنا فاكرينه من العيلة بتاعتنا ودلوقتى فيه مشكله مولعة عندينا فى البلد..ورجاله العيله نازلين فى بعض (مانشتات) و (سوبل+ات) و (دى.دى.تى) طول النهار ومحدش عارف يلمهم امبارح الواد (عوضين) الى من عيله (العجاينة) انه يعملى تثبيت اكتاف من الوضع راقدا لو ما اعترفتش ان (باتيستا) من العيله بتاعتهم ومش عارفين نعمل ايه دلوقتى؟!! يعنى يرضيط انى اعمل له (فينيش كين) واخلص منه.. وفى الاخر قلنا نستشير حضرتك. فأشر علينا يا خال ربنا ياخدك انت والمصارعين الى بتجيبهم لينا…
- كابتن منفوخ بذكاء: الظاهر ان فيه عطل فى التليفون وقناه الافلام دخلت على قناه الرياضة… وعموما اتنح اتصل ب(باتيستا) واشوف الموضوع ده..ومعانا تليفون تانى من ( حسونة ابو جهل) ونقولها ازيك يا ابو حميد !!!
- (حسونة): والنبى يا كابتن فيه موضوع محيرنى …. الناس بيقولوا ان الواد (باتيستا) اعلن اسلامه علشان لقى دراعه اليمين مكتوب عليه(صلوا على النبى) والدراع التانى مكتوب عليه (حصوة فى عين الى ما يصلى على النبى)…ايه حكايه الموضوع ده يا كابتن عشان محير الناس عندنا ؟؟؟
- كابتن (منفوخ) بزهق : ح ابقى اتصل بباتيستا ونشوف الموضوع ده مع بعض ..مع السلامة يا بو حميد..ودلوقتى اعزائى المشاهدين استعدوا للطحن كله…ماتش (كين) و(الحانوتى) كل واحد يجيب عياله وقرايبه وجيرانه عشان الكل يتفرج ويشوف الضرب على اصوله والدم وهو بيسيح ويجرى..بس الى معاه مطوة ياريت يخليها مؤقتا فى جبيه وما يطلعهاش وهوا بيتفرج …يبقى يطلعها بعد الماتش..ولوقتى….
- يقاطعه جرس التليفون فيرد:
- ومعانا اخر تليفون قبل الماتش من الشيخ (عبود عبود) ازيك يا ابو حميد؟؟؟!!!!
- المشاهد: لو سمحت يا كابتن (شمروخ) هو الى يعمل حركة (هاف سلام) وهو متوضى يتنقض وضوءه ولا لآ؟!
- السؤال ده تسأله للشيخ (عطوة حركات) على القناه الى جنبنا طوالى على ايدك الشمال…مع الف سلامة يا عم الشيخ الله يسهلك…
- يواجه المشاهدين بابتسلمة قائلا: ودلوقتى بقى نسمع الماتش بتاع (كين) و اخ……
- تنتقل الكاميرا الى احدى الحارات الشعبيه لنقل عركة اليوم بين (سيد ابو عضمة) الشهير ب (كين) واخو (حوده ترابيس) الشهير ب (الحانوتى) وحواليهم ناس كتير ماسكين سزاطير وسيوف وسنج وشوم فى انتظار ادوارهم…والى لقاء اخر فى حلقة جديدة من برنامج (مصارعة المنحرفين)…منحرفين بجد ..يعنى اى خمة يا جدعان..

(منقول من جريدة الدستور المصرية):image017:



whvum hglkpvtdk (h]og , w]rkd la ijk]l) h]og


توقيع : MMS-AMMMK
:89: انت الزائر رقم:89:
لمواضيعي و ردوى
توقف عن الردود الباهتة
شارك برأيك فهو يهمنا اكثر من كلمة شكرا
MMS-AMMMK غير متصل   رد مع اقتباس

قديم 01-27-2009, 01:06 PM  
افتراضي
#2
 
الصورة الرمزية Audy_23
Audy_23
(أعضاء مسجلين)
عضو بلاتينى
تاريخ التسجيل: Jul 2008
الدولة: Egypt
العمر: 27
المشاركات: 24,812
معدل تقييم المستوى: 31
Audy_23 will become famous soon enough
تسلم ايدك يا كبير
توقيع : Audy_23
Audy_23 غير متصل   رد مع اقتباس
قديم 01-27-2009, 01:12 PM  
افتراضي
#3
 
الصورة الرمزية Audy_23
Audy_23
(أعضاء مسجلين)
عضو بلاتينى
تاريخ التسجيل: Jul 2008
الدولة: Egypt
العمر: 27
المشاركات: 24,812
معدل تقييم المستوى: 31
Audy_23 will become famous soon enough
تسلم ايدك يا كبير
توقيع : Audy_23
Audy_23 غير متصل   رد مع اقتباس
إضافة رد

مواقع النشر (المفضلة)

الكلمات الدلالية (Tags)
(ادخل, المنحرفين, ادخل, صارعة, صدقني, هتندم)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 03:02 AM.