النخــــــــوه ..... تعرف يعنى ايه وانتى تعرفى هى ايه

hالنخوه كلمه تحمل العديد من الصفات منها الشجاعه والمرؤءة والغيره والحماسه
النخوه في الوقوف في وجه الباطل والدفاع عن الحق في كل الظروف ولافرق بين رجل والمراة لكن الكلمة تعني لي الشهامه والمروءة شكرا جنه

علي ما اعتقد ان النخوة كلمة كبيرة علي الزمن بتاعنا دلوقتي يعني مثلا يا جنه اكيد جدو وبابا قالوا كلام انتي حسيته انه مش منطقي يحصل النهارده علشان كده انا شايف ان النخوه موقف رجولي من الولد لصاحبه او صحبته او حتي واحد مش يعرفه بس الموقف الزمه انه يبقا جمبه ده من نطاق (الرجولة والنخوة والشهامة ) الي هيا بنسبة 90 ف المية مش موجودة في الزمن ده ........يعني انك تقف مع واحد انتا متعرفوش بس حاسس انه مظلوم نخوة رجولة شهامة حاجات كتير
بجد اكترشخص ممكن يدلكوا عل معن الكلمة الصح هو جد جنه وجدي وجد كل شخص واكد شخص صعيدي لانهم معروفين بيها

ادريان

hالنخوه كلمه تحمل العديد من الصفات منها الشجاعه والمرؤءة والغيره والحماسه
النخوه في الوقوف في وجه الباطل والدفاع عن الحق في كل الظروف ولافرق بين رجل والمراة لكن الكلمة تعني لي الشهامه والمروءة شكرا جنه

بسم الله الرحمن الرحيم

يعني انا كده رقم 3

طيب يا ستي معني النخوة يشمل معاني كتيرة علي حسب شخصية الانسان نفسه وما تحمله من معاني داخله

هديهاليك في امثلة بسيطة النخوة هيا إن الانسان يتحلي بالاخلاق الاسلامية الصحيحة يعني يغض نظره عن الفواحش بجميع انواعها ويقف مع اي شخص في محنته موقف رجولي ويكون قد المسؤلية في جميع المواقف الي يتحط فيها ويساعد الصغير قبل الكبير ويكون مجتهد في شغله وحياته الاسرية والمهنية

وطبعا الكلام ده يمكن ابعد ما يكون عن معظم شباب الايام دي والشعوب العربية الي عاوزه تقلد الغرب تقليد متخلف شويه

يعني هتلاقيه اكتر عند والديك وجديك ونسبة من الشباب يمكن علي مستوي الدول العربية كلها هتلاقي 30% واظن اكبر عدد منهم هتلاقيهم في مصر

شكرا علي الموضوع الجميل

النخوه دي بنت حلال على فكره انا شوفتها مره بس مش عارفه فين ههههههههههههههه
لا بجد يا جنه النخوه انا كل ما اسمع الكلمه دي افتكر جمب منها حاجات تانيه زي المروءه والشجاعه والرجوله بحق وحقيقي مش الرجوله الاصطناعي تبع الايام دي بس هنفضل نقول ان الدنيا لسه بخير وان خليت بليت
وشكرا يا قمر على الموضوع الجميل

يالا شباب هانت باقى بسيط واقولكم على الى جدو وداد فالو ليا

انا مش حعرف اقول ليها وصف معين
النخوه كل حاجه

الامومه نخوه احساس الاب نخوه
الغيره نخوه الحب نخوه العشره نخوه
مش عارف اقول ايه

بس فى نظرى النخوه مواقف اكتر
ولو حنشرح او ندي امثله مش حنخلص


مقدرش اقول غير كده

حلوه الحياه