هيه وصفه بسيطه خالص
اللي عاوز ينسى حب يعمل إيييييه
هوه الحب ده لو ما كنش بدا من البداية كان هيحصل إيه سؤال لازم تجاوب عليه بمعنى أصح لو ما كنتش قابلت الحبيب من البداية كان هيحصل حاجه أكيد لأ طبعاً .
طيب أنت طبعاً هتقولي طيب والعشرة والحاجات الجميلة اللي عملها معايا حبيبي تتنسي بالسهوله دي هقولك في الحالة دي لازم تعتبر حبيبك ده زيه زي أي واحد صاحبك أو صاحبتك عمل معاك حركات جدعنه كتير وكان معاك يومياً يوم بيوم ومش بتتفرقوا خالص بس كان مجرد صاحب وبعد كده جت الظروف خلتك تبعد عنه هاااااااااااااااه مش الكلام ده بيحصل معانا كتير .
هتقولي مش قادر أبطل تفكير فيه .... ساعتها هقولك حاجه جميله جداً وهيه إنك تحاول تقرب من ربنا هتلاقيه حبيب وصديق علي غير إن ربنا سبحانه وتعالى هيخليك تنسى بسهوله خاااااااااااالص ده طبعاً لما تقعد تدعي كتيييير قوي أكيد ربنا هيستجيب .
أنا علي فكره واحد من الناس اللي حبو وحده جمييييييله جداً ودكتوره ما حدش يحلم بغير كده وعملت معايا حاجات مؤكد إنها تحصل مع أي حد تاني وكله في حدود الأدب والتصرفات العاقله بس كانت فيها مشكله بسيطه خالص إنها كانت من عيله غنيه جداً جداً وأنا عائلتي ميسورة الحال متوسطه يعني والمشكله طبعاً لو كنت إتقدمتلها كانت مش هتقدر تدافع عني لإن الشكل ده من البنات خلاص خلص إن البنت تدافع عن اللي بتحبه وتقول هوه يا ما فيش غيره طبعاً هوه فيه بنات زي كده بس قليلين قوي الزمن ده .
وبعدها بكل بساطه قررت إني لازم أسيبها لإنها مش هتنفعلي بعد ما لقيتها تخلت عني وبطلت تتصل وبطلت تسأل فيها من الآخر لإنها حست إن اهلها مش هيرضوا بيا .
أو ممكن تقول حسبتها صح إني هبقى مش مناسب ليها رغم العلاقة الجميله اللي كانت بينا .
عموماً أنا بقول الكلام ده للناس اللي مصدومه في حبها بأحاول أوجد الحلول الجذريه اللي بيها أنسى حب عمري ما كنت أتخيل إن تبقى نهايته بالشكل ده
.
وياريت أي واحد من الناس اللي فقدت حبها وعندها طريقة بيها الواحد ممكن ينسى الحب يشارك معانا هنا ماشي
مستني ردودكم
10-02-2008, 04:31 AM
اللي عاوز ينسى حب
العرض العادي
