جئت اليكم اليوم بموضوع جديد

همسات الليل
سبب اختيارى لهمسات الليل ان الليل بيجى معاه كل السكون ومعاه كمان اللى تعبنا وبنحاول ننساه فى زحمه النهار

كل واحد جواه شىء ممكن يكون مصدر سعادته وممكن يكون مصدر المه

ومش كلنا لينا حد قريب نفتحله قلوبنا ومش كلنا لينا اصدقاء او حتى قادرين نتكلم معاهم باللى تعبنا

وساعات بيكون حتى اللى تعبنا ومصدر تعاسه او سعاده لينا مصدر مجهول او سبب مجهول

مش ديه المشكله كلها المشكله بتكون فى عدم البوح بيها

شباب بنات كلنا محتاجين لاراء بعض علشان نقدر ناخد القرار الصح

ليه كلنا مش نتحد ونبقى اسره حقيقه فى موقعنا اللى بيضمنا كلنا

ده مجتمعنا الصغير

علشان كده انا بحلم اننا نعمل دائره الثقه بينا كل واحد فينا هيقول مشكلته او ايه اللى مضايقه او اى موضوع عايز اراء جديه فيها او حتى لو كانت اى شىء فاكر انوا تافه بس تعبه

واكيد هيلاقى اللى يساعده بجد

فى انتظار تفاعلكم مع الموضوع بجديه كما تعودت من الكثير منك

بقلم ...( ب ... س )

تسلم ايديك يا ماجيك موضوع مميز بجد اخترت احيانا ودي الاجابه الي فعلا حقيقيه بالنسبه ليا علشان اي انسان ليه مساحه خاصه بيه لازم يحتفظ بيها لنفسه من غير ما حد يشاركه فيها حتى لو كان اقرب الناس ليه دا رايي اما بالنسبه لمشكله معينه كنت هرد اقولك هافكر وارجع بس شويه وقولت طيب الاجابه عندي للسؤال دا كتير هاقولك اني بخاف جدا من الموت وبفكر فيه كتير وبخاف افقد حد عزيز عليا وبدعي دايما اني اموت قبل اي حد احبه وبخاف من المرض جدا واتخيل اني بيوم هابقى مريضه بالسرطان مش عارفه يمكن علشان كتر جدا ومرض خبيث واول ما اي حاجه توجعني يجيي على بالي ويطلع حاجه تافهه بعد كدا الحمد الله بس برجع وافكر نفس الحكايه ,, هتقولي تشاؤم هاقولك يمكن بس اكتر حاجه بجد بتقلقني ومش بحب اقولها دايما لاي حد لاني عارفه الاجابه مسبقا وهي ما تفكريش كدا دا تفكير سلبي او متشائم بس بفكر مش بايدي

اولا هشكرك لتفاعلك مع الموضوع يا زوزو

ثانيا ... موضوعى مش بيهدف للخصوصيات والمسائل الشخصيه لا انا حبيت يكون موضوعى
بيهدف للراحه النفسيه

زى مثلا طبيبك النفسى

اما بالنسبه لمخاوفك من الموت والمرض والتفكير فيه امر طبيعى بالنسبه لضغوطات الحياه وبعدنا الدينى
مش قصدى انك مثلا مش بتصلى او كده لا بس فيه ابعاد دينيه تانيه

حاولى تبصى للحياه بمنظور تانى .... كلنا كده بنخاف جدا من فراق اى حد عزيز علينا وبنتمنى يكون دايما معانا
بس بردوا الحياه محطات لكا منا محطه معينه ولازم يجى اليوم اللى نفارق فيه اللى معانا فى قطر الحياه

وفى الاخر اقدر اقول ان مخاوفك داله على رقه احساسك ...

أما عني أختي العزيزة أسمي الليل أبو المواجع !!!
لأنه وكما قلت ِ أنتِ يحمل معه كل شيء الأفراح والأتراح ، ولكن ما يغلب عليه الأتراح (الأحزان )
ويُقّلب كل الذكريات المختبئة تحت زحمة مشاغلنا اليومية ، كأن يذكرني بأعز صديقة فارقت الحياة او يذكرني بأصدقاء غادروا دون رجعة ، كما يذكرني بحالي وأكثر ما يقلقني وأفكر فيه هو الخوف من المجهول ، والأيام القادمة وما تخبئه لنا في ظل الظروف الراهنة التي نعيشها في العراق وأنا كلي يقين بأنه لن يصيبناالا ما كتبه الله لنا .
ولكن ما باليد حيلة !
ليلي آنستي ماجك يحمل الكثير ... الكثير من المواجع !!!!
شكرالطرحك المميز

موضوع جميل فعلا وانا عندي مشكلة بس هكتبها واعرضها عليك ان شاء الله

بالنسبة للمشكلة بتاعتك يازوزو انا كنت عانيت من فترة بنفس المشكلة بس مش السرطان شئ تاني وكنت واهم نفسي بالحكاية دية وفي الاخر عشان اتغلب عليها وهمت نفسي اني عندي المشكلة فعلا واني مصاب بيها وتعايشت معاها وبعد كدة نسيت الموضوع تماماً وبقيت احسن من الاول جربي اوهمي نفسك انك خلاص جالك وتكيفي مع الحياة وشوفي

كلنا بنخاف من المجهول بس فيه نسب للخوف ده

انا عن نفسى بنضم ليكى انا خوفى من المجهول ملوش حد بس انا اتعلمت اعيش مع اليوم واسيب بكره لما يجى

عارفه انتى كل اللى محتاجاه شخصيه تكون معاكى تشعرك بان الدنيا لسه فيها خير ساعتها هتبقى مطمنه ان بكره اكيد مش مجهول وحتى لو مجهول هتبقى مطمنه ان فيه حد معاكى هيساعدك
مش شرط ان يبقى حبيب ممكن صديق او اخت او قريب المهم تحس مع الشخصيه ديه بالامان

والاهم من ده هو انك تلاقى نفسك وتعرفيها كويس علشان تعرفى تواجههى المجهول

شكرا ليكى فالنهايه

سبب اختيارى لهمسات الليل ان الليل بيجى معاه كل السكون ومعاه كمان اللى تعبنا وبنحاول ننساه فى زحمه النهار

كلام في محله وتسلم ايدك والموضوع كول..

لي عوده للموضوع ده ..

موضوع رائع وان دل علي شئ فلا يدل الا علي حبك للاخوه والأخوات في بيتنا يلا عرب لكن اخي انا أتفق مع زوزو في نقطه ان كل حد ليه مساحه خاصه لا يطلع أحد عليها
ممكن بطريقه تانيه غير طريقه المريض ودكتوره النفسي
تحياتي اليك

تبقى فهمت موضوعى غلط يمكن انا السبب فى نقل الفكره ويمكن يكون انت فى اخذ الكلام وفهمه

انا مش قصدى الخوض فى المسائل الشخصيه

ثانيا انا مش قصدى طبيب نفسى بس الانسان ساعات بيبقى محتاج لمسانده صديق غريب شخص ميعرفوش

قصدت بالمخاوف والالام زى ما شوفت من الضوض زى الخوف من الموت او الفراق او المرض
لو كنت قريت الردود كنت عرفت غرض الموضوع وعرفت ازاى الاعضاء ساندوا بعض

شكرا لرايك فالنهايه وعلى المرور الكريم