اخباركم ايه جميعاً :15:
احب ارحب بالجميع بأول يوم افتتاح لقهوه يــــــــــــــــــــــــــــــــــــلا عـــــــــــــــــــــــــــــرب
مسى التماسي عليكووووووو جميعا بأه عايزين لغه قهاوي شويه وبهارات جميله بس من غير تجريح طبعا
اليوم اول يوم افتتاح والمشاريب كلها على حساب مونديال يلا بقى اطلبوا زي ما انتو عايزين للصبح قهوه وشاي وقازوز :119:

انتو طبعا مش عارفين لسه الموضوع
الموضوع وما فيه يا ساده يا كرام ان خطر ببالي فكره مطرقعه ودا زي ما انتو عارفين حاجه مش جديده عليا وهي كالاتي ان كل واحد يفوت يعمل حوار مع نفسه ومع اي عضو بأي موضوع زي ما تقولوا يعني بلغه الشارع النهرده .

وانا هبتدي اول مشهد اهو

قهوه قديمه فيها عشر طربيزات وعشرين كرسي وتلفزيون من غير دش يا وش
وصاحب القهوه عتريس والقهوجي رزق الي كل شغل القهوه عليه مسح وكنس وتقديم طلبات دا غير غسل فناجين الشاي والقهوه غلبان اوي الراجل دا ومفيش بقشيش يدوب الكل يدفع الطلب ويا فكيك :89:
انا بقا قعدت على اول طربيزه الي عالناحيه الشمال استنى البت احساس الي هي تأخرت اوي عليا يا احساس ايه دا اديها خطوه خفيفه تكون نحيفه :15: جت احساس وقعدت وهي مكشره خير يا بت في ايه
احساس ازيك :(
تماموووز ولوووووز مالك مش على بعضك
احساس ايه الناس دي لو ينفع المخ ينشرا لشترلهم رطلين مخ
رطلين مخ دي بس قولي مليون اتنين
احساس شوفت الوليه عملت ايه
عملت ايه يختي ال ايه وايه الصبوحه :15: تاخرت شويه بحكم المواصلات المريحه الي الواحد يحتار فين يركب حاجه تشرح القلب بصحيح كل فان ميكرو اجدد من اخوه فالواحد يختي باه يشوف اللون ويحكم دا حلو دا مش ولا بد ويضيع الوقت كده فتقوم الوليه خصمالي يوميتي شوفت الظلم
لأ مالهاش حق يختي نقول ايه حكم القوي
احساس وانت بقه اخبارك ايه
ابدا اديني مستينه لما شوفلي اي شغلانه
شغلانه هو انت لسه ما شتغلتيش
اه يختي واديني كل يوم عالحال دا الف لما انقطع نفسي وكلو واسطه يختي
احساس لالالالالا ايه الاخبار دي هو ما فيش حاجه تفرح
لا ازاي فرح البت جمالات بت صفيه النهرده
احساس معقول بقا جمالات تتزوج
اه يختي ومالها ربنا يسعدها
احساس انا برده بقول كده بس يعني هي تجوزت مين
بقولوا يختي ميكانيكي قد الدنيا
احساس كمان شغل جامد ويجيب قرش وهو احسن من الي عندهم شهادات هيعملوا بيها ايه يعني ما انت اهو معاك شهاده وعملت بيها ايه غير انك تشربي شاي وقهوه اشربي اشربي اليوم اول يوم ببلاش
يلا بسرعه كله يعمل حوار ويطلب النهرده ببلاش بكره ما فيش حاجه ببلاش :image015:

يا عينى على الطرقعه
انا اجى امسى التماسى على الناس اللى على القهوه

دخلت القهوه لقيت ابو حميد لفر قاعد مستنينى يا عينى من الصبح لاطعه بقالى ساعه وهو مستنينى وقاعد ينفخ
قلتله ايه يا حج معلش اتاحرت عليك
لفر يا عم انت ايه قاعد مستنيك من الصبح ده كله
-اعمل ايه بقه المواصلات زحمه اليومين دول ده مفيش ولا مواصله
-يا عم اركب توك توك بجنيه يجيب لحد الكرسى
-هههههههههههه هو بقه فى اليومين دول ده كل حاجه زحمه انا مش عارف الواحد يعمل ايه للمواصلات دى
-المهم انت جى معايا النهارده
-فين
-رايح عيد ميلا واحده زميلتى البت ساميه مانت عارفها
-يا راجل هى لسه عايشه
-اه يا عم وعامله عيد ميلاد كمان
-اه ماهى العمليه اترستات خلاص معاها واتخطبت للواحد ابراهيم ابوه مدلعه وجايبله كل حاجه مش زينا لسه بنبنى المستقبل اللى مش باين ده
مستقبل مين يا عم انت بتصدق
-على رائيك دنيا وعايشنها
-اه والله يا بنى محدش عارف ايه ممكن يحصل للجيل الجاى ده احنا متعذبين امال الجيل الجاى هيعمل ايه
-هيعمل ايه صح


جميل موضوعك يا زوزو ودعوه جميله لعرض مشاكل واهداف وعبر بطريقه طريفه

وانا عايز سحلب مكسرات مليش دعوه او زبادى مش مشكله
ههههههههههه

طيب ممكن اعمل مع نفسى ولا زم اخرج

ممكن استثناء

سحلب ايه الي انت جاي تقول عليه ارحم يا عم بعدين مونديال يزعل مني كفايه بقى
انت تيجي تطلب سحلب وغيرك ايس كريم لالا ما ينفعشي كده هي يدوب قهوه وشاي وقازوز واديها بخه ههههههههههه
بس الحمد الله ان الموضوع عجبك مع اني مش عملالو الهيصه الي كان نفسي اعملها بس معليش ظروف يا كروان

ويلا بقى عايزين الكل يشارك ويعمل احلى حوار عالقهوه

هنا كل شئ ممكن اعملي مع نفسك يا قمر زي ما انتي عايزه وشرفتي القهوه :119:

عايز كولا صاروخ يلا بلاش السحلب

يلا فين اللى عايز يلعب شطرنج هنا

طيب عايزه بيبسى

ممكن

ولا يا رزق 2 شاي في الخمسينة يلا و 1 طاولة بسرعة ليا وللقلب الحنون

انا مش عارفة البت دي اتأخرت ليه يلا بقى اشرب الشاي لغاية ما تيجي

------------------------------------
مرسي طبعا يا زوزو على الفكرة الجنان دي وعايزين افكار زي دي تاني

ايه يا ست البنات ده مش اتفاق تشربي الشاي قبل ما اجي يلا همشيهالك المرة دي ارمي يا ولا يا رزق الطاولة وهاتلي كوباية شاي اتكيف بيها زي ما تكيفت بنوتة وما ستنتنيش













ميرسي يا زوزو يا قمر على القهوة والمشاريب كمان يا سكر وعلى فكرة انا لسة عرفاكي دلوقتي اول موضوع اشوفه ليكي ولسه عارفة انك عضوة وكدة يعني مش كنت اعرفك من الاول ميرسي يا قمر على الافكار الجامدة دي ومستنية جديدك

ايوا اجسن ناس الميكانيكية دول " مهندس ميكانيكيي واعز المكن انا "
هههههههههه

انا بقا دخلت كافية شوب " القهوة دي يعني " بالليل في تمام الساعة السابعة والنصف عصرا
ومعايا جماعة اصحابي من سوريا ( رغيد وكنان وايهم وتراث وغزل و ريم والباقي مش فاكر اسماءهم ) " قال اية نازلين مصر في زيارة للجامعة بتاعتنا " اخدت معايا احمد ومحمود ومحمد

رغيد اية يا شباب انا عايز اارجل " شيشة يعني "
محمود ايوة يا عم تحب تشرب اية في عندنا نوع جديد اسمة سان شاين
ايهم: سان ايش
محمود: سان شاين دا حجر تمام بس انتا جربوه
ايهم خلاص بجرب
انا سان شاين اية بس هو دا تلاقية هنا
محمود ايوا دا الواد عمرو تفليسة لسا شارب واحد هنا امبارح وبيقول علية تمام
انا تك تك تك جارسون
الجارسون ايوة يا بهوات تشربو اية
رغيد انا باخد سان ................... ايش اسمها
الجارسون سان شاين
ايهم وانا كمان باخد واحدة
كنان وان كمان باخد واحدة
محمود انا بقا ياباشا عايز عناب
محمد انا عايز كابوتشينو
احمد انا ععايز شاي في الخمسينة
انا انا عايز واحد تمر متلج من بتاع كل مرة
غزل انا باخد واحد بوظة " ايس كريم "
ريم انا باخد واحد ليمون جوس
احمد لا دا كدا يفتكرك بتشتمية يا ريم
الجارسون لا يا باشا ولا يهمك انا برضو بفهم انجليزي مش هيا عايزة واحد عصير برتقان
محمد لا يا فصيح دي عايزة واحد قهوة مظبوطة
كنان ههههههههههههه لا دي عايزة واحد فروت سلاد
انا ايوا انا عارفها دي مش دي اللي بتبقي شاي وعلية شوية حليب
ريم " تنظر باستغراب " خلاص انا باخد واحد شاي
كفاية كدا علشان تعبت بقا
سلااااااااااااااام