[align=center]من فتره اكتر من سنه كنت فى غرفه شات مش فاكر اسمها لانى مش بدخل على شات كتير المهم كنت بتكلم على العام ولقيت الشات كله بيشتم فى واحد النيك نام بتاعه مصرى عايش فى اسرائيل .

ودارت المناقشه دى بينى وبينه :

هيداجو: انت فعلا عايش فى اسرائيل ؟
مصرى عايش فى اسرائيل :ايوه انا عايش فى اسرائيل .

هيداجو : وانت مصرى ؟

مصرى عايش فى اسرائيل : ايوه اا من المنصوره .هيداجو : وايه اللى خلاك تسافر اسرائيل ؟

مصرى عايش فى اسرائيل : انا كنت بكلم واحده من اسرائيل على النت وجابتلى شغل فى اسرائيل وبشتغل هنا بمرتب متحلمش انك تاخده وانت وكيل وزاره .

هيدالجو : ومبسوط وانت قاعد وسط ولاد الكلب دول اللى كل يوم بيقتلوا فى العرب . هوا كل حاجه فلوس وبس .

مصرى عايش فى اسرائيل : انا هنا بتعامل كويس جدا والناس كويسين معايا وانا مليش دعوه باللى بيموتوا . وعمرى ما هلاقى معامله كويسه زى دى فى مصر هنا فى حقوق انسان فى مصر لا .

هيدالجو : بس كفايه انك مش هتقدر ترجع مصر تانى وهتعيش هناك طول عمرك .

مصرى عايش فى اسرائيل : انا بنزل مصر وقت مانا عايز واتجوزت واحده مصريه وسافرت معايا .هيدالجو : طيب ايه رايك ان انا لو شفتك تانى فى مصر هقطعك يا ابن ...........

مصرى عايش فى اسرائيل : انت متقدرش تعمل حاجه ليا لا انت ولا الكبير فى بلدك انا دلوقتى محمى من اسرائيل وامريكا اللى رئيس بلدك بيترعب لما حد يجيب سيرتهم .

هييدالجو : لو رجعت مصر هتموت .

مصرى عايش فى اسرائيل : انا لو رجعت هرجع غنى يعنى اشترى بلدك دى وبالفلوس اقدر اعمل اللى انا عايزه . انا بالفلوس دخلت ابن اختى كليه الشرطه وبكده يكون معايا الفلوس والسلطه فى بلدك واعمل اللى انا عايزه .

هيدالجو : والله . طيب ادينى اسم ابن اختك ده وبكره الصبح هتلاقيه مطرود من الكليه . انت مش عارف انت بتكلم مين .(طبعا دى حته تهديد كده )

مصرى عايش فى اسرائيل : انت متقدرش تعمل حاجه .

هيدالجو :طيب ادينى الاسم وشوف .مصرى عايش فى اسرائيل : لا

هيدالجو : علشان تعرف انك دايما هتكون خايف ولو رجعت مصر هتندفن فيها .

هيدالجو : انت تعرف ان انا نفسى اكون مكانك فى اسرائيل .

وساعتها الشات كله شتم فيا انا مش فيه هوا .

مصرى عايش فى اسرائيل : هههههههه ايه رجعت فى كلامك . شفت ؟

هيدالجو : لا مش زى مانت فاكر يا حمار انا نفسى اكون هناك علشان اعمل عمليه استشهاديه فى قلب اسرائيل . مش زيك اعيش خاين لبلدى علشان شويه فلوس .





المناقشه دى حصلت فعلا . ومش عارف ايه اللى فكرنى بيها دلوقتى بس حبيت اقولكم اللى حصل وان فيه ناس بتفكر بالطريقه دى .


وانا مرضتش اشتم فيه زى ماكتير من اللى كانوا فى الشات عملوا انا اتكلمت معاه وشفت هوا فكر ازاى وطلع طبعا ان هوا مفكرش خالص .


مستنى التعليقات على هذه المناقشه .

ولو كنت مكانى كنت هتعمل ايه ؟؟؟؟؟؟؟؟؟؟؟؟؟[/align]

ده خاين وميستهلش انه يبقي مصري ولا حتي عربي
والله يخربيت الفلوس الي بهدلت الناس وخلت مفيش دم عند الناس ولاحتي فيه احساس ان فيه ناس بتموت وعايشه علشان تلم فلوس وبس
ياناس الفلوس مش بتعمل رجاله الرجاله هي الي بتعمل الفلوس
بس الحق مش عليه الحق علي حاجات كتير خلته يعمل كده
حسبي الله ونعم الوكيل في كل خائن هان عليه دم العرب والمسلمين

اللي زي دا إحنا ما نخافش منهم

لأنهم أعلنوا رأيهم بصراحة

تركوا بلدهم لأهله وذهبوا علانية للعيش في بلاد العدو

أما الذين يجب أن نخشاهم فعلاً

هم من ينادون بالمبادىء علناً ليل نهار

لكنهم سراً يتعاونون مع العدو على تدمير أهلهم

هم من يمسكون بزمام الامور في أوطانهم

ولكنهم يدينون بالولاء لأعداء هذه الأوطان

هؤلاء هم من يجب الحذر منهم

ولنتذكر دعاء الإمام علي كرم الله وجهه

(اللهم إكفني شر أصحابي أما أعدائي فأنا كفيل بهم)

شكرا يا جماعه على الردود الجميله وبجد الموضوع ده عاجبنى جدا وعاوز اراء باقى الناس

ربنا يهدى كل شباب المسلمين وده اكيد خاين ومهما كانت الظروف المفروض يخله جنب بلده ووطنه
منهم لله وربنا إن شاء الله هينصر المسلمين

دا زي ما عملو له غسيل مخ عشان بقى بيستهين من بلاد العرب التي قضى فيها جل عمره ..
لكن سياتي اليوم الدي سيدل فيه الكفار و ينصر فيه المسلمين ...يوم الحق ...يوم الجزاء

ده اكيد مش مصرى
لو مصرى كان يبقه كلامه غير كده خالص ويكون غيور على بلده حتى لو مخدش اللى هو عايزه
اشف انى اقولك لو انا مكانك مكنتش كلمته بالمره
بس بجد موضوعك جامد جدااااااااا
فعلا مواضيعك مميزه
تحياتى لك
عمرو(قيروان الحب)

أنتوا مستغربين ليه يابشر
اذا كانت الجنسية الواحد بيشتريها بفلوسه
يبقي منستغربش لما نلاقي مصري بيطلع منه الكلام ده
تسلم ايديك يافيجووو